सत्ती / बाजुराको त्रिवेणी नगरपालिका ७ घर भएका एमाले समर्थित कार्यकर्ता र अनेरास्ववियुका नेता समेत रहेका चेतन ऐडीको गएराती हत्या भएको छ ।

अनेरास्ववियुकी अध्यक्ष सुनिता बरालका अनुसार घरमा सुतिरहेका पाण्डेलाई गठबन्धनका कार्यकर्ताले घरबाट निकालेर सडकमा कुटपिट गरेका थिए ।
कुटपिटबाट गम्भीर घाइते भएका अयडीको उपचार गर्न अछामको बयालपाटा अस्पताल लैजाँदै गर्दा आइतबार राति मृत्यु भएको बाजुराका प्रमुख जिल्ला अधिकारी प्रकाशचन्द्र अधिकारीले बताए ।

बाजुरा मै हिजो मंसिर ४ गते दिउँसो चुनावी स्थलमै प्रहरी र स्थानिय बिच झडप हुँदा प्रहरीले केही राउन्ड गोली चलाउनु परेको थियो र त्यही गोली लागेर एक युवकको ज्यान गएको थियो र केही प्रहरी समेत घाइते भएका थिए ।

अनेरास्ववियुकि अध्यक्ष सुनिता बरालले हत्यारालाई तत्काल खोजी गरी कानुनी कारबाहीको दायरामा ल्याउन माग गरेकी छिन ।
ऐडी अनेरास्ववियुका केन्द्रीय सचिवालय सदस्य र सुदुरपश्चिम विश्वविद्यालयका अध्यक्ष समेत थिए ।